BALIABIDEAK
BALIABIDEAK
Lurraren Zaintza · Pertsonen Zaintza · Bidezko Banaketa
Permakulturak ugaritasuna partekatzea bilatzen du. Ugaritasun hori edozein motakoa izan daiteke: janaria, baliabide fisikoak, ezagutza, esperientzia… Horregatik, zure permakultura prozesuan laguntzeko, DOAKO kartak, eskuliburu eta bestelako tresnak eskaintzen ditugu.
Zure bizimodu ekologiko eta iraunkorrerako bidean erabilgarriak izango direla espero dugu.
INFOGRAFIAK
Permakulturaren Printzipioen Kartak
Ez ahaztu, hauek dira zure mantra berriak
Permakulturaren printzipioek edozein proiektu diseinatzen lagunduko dizute: lorategi txiki batetik etxalde oso bat, zure enpresa edo zure bizitza diseinatzeraino. Printzipioek proiektuaren alderdi guztien balioa eta elkarren arteko lotura ikasten lagunduko dizute. Printzipioi buruz gehiago ikasteko, egin clic HEMEN.
Eredu Naturalen Kartak
Ezagutu naturak behin eta berriz errepikatzen dituen formak: espiralak, olatuak, adarkadurak, fraktalak…
Eredu naturalak naturan behin eta berriz ikusten ditugun formak dira. Energia eta materia modu sinple eta eraginkorrean nola mugitzen diren erakusten digute. Haiek behatuz eta haiengandik ikasiz, naturarekin batera lan egiten duten sistemak diseinatu ditzakegu.
Karta hauek eredu horietatik inspirazioa hartzeko eta espazioak, harremanak eta prozesuak modu konektatuago, orekatuago eta erresilienteagoan sortzeko gonbidapen bat dira.
Permakultura: Non hasi? Orri tolesgarria
Asmoetatik ekintzetara pasatzeko ariketa
Zure lehen urratsak emateko mapa bisual bat. Ikuspegia definitu, beharrak, mugak eta baliabideak identifikatu, eta asmoetatik ekintzetara pasa. Zure eguneroko bizitzan, zure etxean edo zure komunitatean birsorkuntza-proiektuak hasteko gida sinplea.
DISEINU METODOAK ETA TRESNAK
Permakulturako Metodologia eta Tresnak 1
Espazio Fisikoen Diseinuan erabilitako Tresnen eta Metodoen Eskuliburua
Diseinatzen hasten garenean, oso erraza da permakulturan erabiltzen diren diseinu metodo, tresna eta prozesuekin ilunduta geratzea. Dokumentu hau noiznahi kontsulta dezakezun eskuliburua da.
Permakulturako Metodologia eta Tresnak 2
Diseinu Sozialetan erabilitako Tresnen eta Metodoen Eskuliburua
Permakultura ez da soilik espazio fisikoen diseinuan erabiltzen. Horregatik, Permakulturako Metodologia eta Tresnen Eskuliburu honek permakultura sozialaren diseinuan erabilitako metodo eta tresnak aurkezten ditu. Barne paisaia, komunikazio tresnak, tresna sozialak eta bestelako ohiko metodoak aurkituko dituzu. Presta zaitez permakultura beste maila batera eramateko!
BESTELAKO BALIABIDEAK
Hosto Jangarriak dituzten Zuhaitzak
Mundu Eskuliburua
Oso harro gaude Perennial Institue-ko Eric Toensmeier-en “Trees with Edible Leaves – A Global Manual” baliabide baliotsu baten itzulpenetan parte hartu izanaz.
Hemen, 100 espezie baino gehiagoren deskribapena aurkituko duzu, klima hotz zein tropikaletarako, nutrizioari eta laborantza-teknikei buruzko xehetasunekin.
SARE BIZIA GARA
Permakultura elkarri eusten dioten harreman bizietan oinarritzen da.
Maïa Permaculture-n ere gure lana ez da isolatua: komunitate zabal batean errotuta gaude, eta hainbat mailatako sareekin egiten dugu lan —tokian tokiko eragiletik nazioarteko kolektiboetara.
